Lüpertz, Markus
Biografía
Leberec, Bohemia (Txekiar Errepublika), 1941 | Dusseldorfen eta Karlsruhen bizi da (Alemania)
1941
Apirilaren 25ean jaioa, Leberecen, Bohemian
1948
Familia Alemaniara joan zen bizitzera, erregimen komunista Txekoslovakian ezarri ondoren
1956–61
Krefeldeko Werkkunstschule-n ikasi zuen Lauren Goossens-ekin. Meatzari gisa lan egin zuen urtebetez, eta Kefreldeneko eta Düsseldorfeko Akademian ikasten jarraitu zuen. Egonaldi bat egin zuen Parisen
1961
Artista independente gisa lanean hastea erabaki zuen
1962
Berlinera joan zen eta “Pintura ditiranbikoan” lanean hasi zen
1964
Pintura Ditiranbikoa ikusgai jarri zuen Berlinen Großgörschen 35 galeria zabaldu zutenean
1966
“Kunst, die im Wege steht. Dithyrambisches Manifest” manifestua argitaratu zuen
1968
“Die Anmut des 20. Jahrhunderts wird durch die von mir erfundene Dithyrambe sichtbar gemacht” manifestua argitaratu zuen. Bakarkako lehenengo erakusketa egin zuen Berlineko Michael Werner galerian, eta ondoren erakusketak egin zituen urtero Koloniako Michael Werner galerian
1970
Villa Romana Saria jaso zuen, urtebetez Florentzian egoteko aukera eman ziona
1971
Alemaniako Kritikarien Elkartearen Saria jaso zuen
1972
Erakusketa bat egin zuen Galeria der Spiegel-en, Kolonian
1974
Pintura-irakasle gisa hasi zen lanean —lehenik gonbidatu gisa eta 1976az geroztik ohiko gisa— Arte Aplikatuetako Estatuko Akademian, Karlsruhen. Berlineko 1. Bienala antolatzen parte hartu zuen
1975
Lehenengo poema-bilduma argitaratu zuen, 9x9 izenburupean
1977
Dithyrambic and Style Painting erakusketa inauguratu zuten Kunsthalle Bern-en. Pintura mural bat egin zuen Berlineko errausketa-laberako. Georg Baselitz-ekin batera kendu egin zituen bere koadroak Kasselgo Documenta-tik, protesta gisa Alemaniako Errepublika Demokratikoak A.R. Penck egotzi izanagatik
1982
Documenta 7-n parte hartu zuen, Kasselen. Rainer Kunaden Vincent operarako eszenografia egin zuen Staatstheater Kasselen eta Ich stand vor der Mauer aus Glas poema-bilduma argitaratu zuen
1983
Jules Masseneten Werther operarako eszenografia egin zuen Ulmer Theater-en baina estreinaldiaren aurretik kendu egin zuten eszenografiaren diseinua interpreteek eskatuta. Irakasle gisa sartu zen Salzburg Summer Academy-n. Erakusketa bat egin zuen Stedelijk Van Abbemuseum-en, Eindhovenen eta São Pauloko Bienalean parte hartu zuen
Parte hartutako erakusketak
- Chillidaren omenez
- 2006ko apirilak 5 - 2006ko ekainak 11