Manolo Valdés. Pintura eta eskultura
Matisse aitzakiatzat
Atalak
Eskala
- Izenburua:
- Eskala
- Erakusketa:
- Manolo Valdés. Pintura eta eskultura
- Gaiak:
- Artea eta denbora | Artearen historia | Eragin artistikoa | Sorkuntza artistikoa | Mugimendua | Tamaina
- Artelan motak:
- Pintura
- Aipatutako artistak:
- Valdés, Manolo
Valdés-engan garrantzizkoa da eskalaren aldaketa. Torres García-ren ordularien erreprodukzioak praktika horren adibide argia dira. Begi bistakoa da ordulari horiek erreproduzitzean Torres Garcíaren kosmos-ikuspegian duten zeinu grafikoaren zentzua galtzen dela. Valdések xehetasunari ematen dion zabalkuntza-efektuak eraginda, bere hasierako erreferentzia galdu egiten da eta beste gauza bat balitz bezala agertzen da. Torres Garcíaren erlojuaren apropiazioan, Valdések xehetasun txiki bat bakartzen du, uruguaitarraren koadro baten bi zentimetro, eta bi metroko irudia bihurtzen du, koadroaren markoak apenas ixten duena. Valdések ez du bizitzaren denbora eteten, gainazala kudeatzen duen eta arrastaka eramatean orbantzen duen arraia beltzaren mugimendua baizik: “aspalditik aritu izan naiz ordularien bila, objektu kezkagarriak dira, ez ordea zentzu metafisikoan, fisikoan baizik: beti ari dira mugitzen, eredu bizidunak dira”. Valdések egindura, taupaka ari den organismo bihurtzen du ordulariaren indar lineala. Materia organiko bihurtzen du geometria purua.