Motherwell, Robert
Biografía
Aberdeen, Washington, 1915 | Provincetown, Massachusetts, 1991
1915
Urtarrilaren 24an jaio zen Aberdeen-en (Washington).
1926
Hamaika urterekin, Otis Art Institute-ren (Los Angeles) beka bat eskuratu zuen.
1932
Denbora laburrez, California School of Fine Arts-en (San Francisco) ikasi zuen. Stanford University-n (Palo Alto, Kalifornia) hasi zen eta, bertan, filosofia eta literatura moderno frantsesa ikasi zuen; bost urte geroago lizentziatu zen.
1937
André Malraux-i Espainiako Gerra Zibilari buruz hizketan entzun zion San Franciscon antolatutako konbentzio handi batean. Filosofia-ikasketak jarraitu zituen Harvard Unibertsitatean (Cambridge) eta, bertan, hurrengo urtean graduatu zen.
1938
Europara bidaia luze bat egin zuen. Udan Grenobleko Unibertsitatean (Grenoble) ikasi ondoren, estudio bat alokatu zuen Parisen.
1939
Lehenengo bakarkako erakusketa egin zuen Raymond Duncan galerian (Paris). Ikasketa tartekatuak egin zituen Parisko Academie Julian-en.
1940
New Yorkera joan zen bizitzera. Columbiako Unibertsitatean hasi zen eta, bertan, Artearen Historia ikasi zuen Meyer Schapiro-rekin.
1941
Sei hileko bidaia bat egin zuen Mexikora Roberto Matta-rekin batera. Automatismoa erabiltzen hasi zen sorkuntza piktorikorako bitartekotzat.
1942
Haren lana Whitelaw Reid Maison-en (New York) egindako The First Papers of Surrealism erakusketan egon zen ikusgai. VVV aldizkari surrealistarekin hasi zen lankidetzan.
1943
Lehenengo collageak egin zituen.
1944
Editore-lanetan hasi zen Documents of modern art liburu-sailean. Peggy Guggenheim-en Art of This Century galerian (New York) erakutsi zituen lanak.
1945
Esklusibotasun-kontratu bat sinatu zuen Samuel Kootz Gallery-rekin (New York). East Hampton-era (New York) lekualdatu zen. Asheville-tik hurbil zegoen Black Mountain College-n (Ipar Carolina) irakatsi zuen.
Parte hartutako erakusketak
- Art in the USA: 300 urteko berrikuntza
- 2007ko urriak 11 - 2008ko apirilak 27
- Espresionismo Abstraktua
- 2017ko otsailak 3 - 2017ko ekainak 4
- Artea eta espazioa
- 2017ko abenduak 5 - 2018ko apirilak 15
- Guggenheim Bilbao Museoaren Bildumako maisulanak
- 2021ko urtarrilak 1 - 2021ko abenduak 31
- Asmamenaren ildoa
- 2021ko ekainak 11 - 2022ko otsailak 6
- Sekzioak | Intersekzioak. Guggenheim Bilbao Museoaren bildumak 25 urte
- 2022ko irailak 8 - 2023ko urtarrilak 22
- Helen Frankentalher: Araurik gabe margotzen
- 2025ko apirilak 11 - 2025ko irailak 28