Jean Dubuffet: Ospakizun Bizia
[Sarrera]
[Miss Kolera eta Botere-nahia]
Atalak
Biografia
- Izenburua:
- Biografia
- Erakusketa:
- Jean Dubuffet: Ospakizun Bizia
- Gaiak:
- Eragin artistikoa | Ibilbide artistikoa | Eskulturagintza | Marrazkigintza | Bizitza | Nazismoa | Frantzia | Paris | Musika
- Mugimendu artistikoak:
- Abangoardia | Dadaismoa | Surrealismoa
- Aipatutako artistak:
- Dubuffet, Jean
Jean Dubuffet 1901ean jaio zen Frantziako Le Havre hirian. 17 urte zituela, arte-ikasketak hasi zituen Académie Julian ospetsuan. Berehala konturatu zen, ordea, akademiako ikasketa planak ez zuela zerikusirik benetako munduko arazoekin eta, zeharo desengainatuta, eskola utzi zuen. Ondorengo hamarkadetan familiako negozioan aritu zen lanean, ardoa banatzen, baina garai hartako abangoardiako mugimenduei lotuta jarraitu zuen, besteak beste dadaismoari eta surrealismoari. Halaber, urte luzez, estimu handian izan zuen haurren eta buruko gaitzek jotako pertsonen artea. 1942an, 41 urte zituela, artegintzan lan egitea erabaki zuen Dubuffetek; Garai hartan Parisen bizi zen, eta naziek okupatuta zeukaten hiria. Ondorengo berrogei urteak oso emankorrak izan zituen, eta corpus artistiko zabala sortu zuen hainbat arte-adierazpide landuta: margolaritza, marrazkigintza, grabatua, eskulturagintza, performancea eta musika-konposizioa. Horrez gain, maiz argitaratzen zituen idatzizko lanak: material eta prozesu artistikoei buruzko eskuliburuak, bere lanaren inguruko testuak, eta kulturaren eta konbentzioen mugei buruzko iritziak. Parisen hil zen 1985ean, 83 urte zituela.