Hiriko ikuspegiak: Parisko Eskola, 1900–1945
Sarrera
Hiriko ikuspegiak: Parisko Eskola, 1900–1945
- Izenburua:
- Hiriko ikuspegiak: Parisko Eskola, 1900–1945
- Erakusketa:
- Hiriko ikuspegiak: Parisko Eskola, 1900–1945
- Gaiak:
- Artearen historia | Sorkuntza artistikoa | Parisko Eskola | Paris
- Mugimendu artistikoak:
- Abangoardia | Arte Abstraktua | Arte Garaikidea | Kubismoa | Orfismoa | Surrealismoa
- Artelan motak:
- Eskultura | Pintura
- Aipatutako artistak:
- Brancusi, Constantin | Braque, Georges | Delaunay, Robert | Kandinsky, Vasily | Picasso, Pablo
Paris abangoardiaren hiriburua zen XX. mendearen hasieran. Mundu osoko artistak joan ziren bertara bizitzera, eta bertan, arte- eta literatura-forma berriak sortu zituzten, eta hiriko bizitza erabat eraldatzen ari zen garapen ekonomiko, sozial eta teknologiko azkarrari erantzun zioten. Parisen Pablo Picasso-k eta Georges Braque-k pinturaren arauak goitik behera aldatu zituzten, Robert Delaunay-k kolore-ikuspegi atseginak konposatu zituen, Vasily Kandinsky-k abstrakzioan bide berriak zabaldu zituen eta Constantin Brancusi-k eskulturak espazioan aurkezteko modua birplanteatu zuen. Hiriko ikuspegiak: Parisko Eskola, 1900–1945 erakusketan Solomon R. Guggenheim Museum Bildumako maisulan ugari ikus daitezke, XX. mendearen lehen urteetatik Bigarren Mundu Gerrara artekoak. Arte modernoaren mugimendu nagusiak —Kubismoa, Orfismora eta Surrealismoa, besteak beste— aztertzen ditu, Parisko Eskola izenez ezagutuko ziren artisten lanen bidez. Erakusketako askotariko arte-ikuspegiek estetika kontserbadoreak saihesteko eta hiri moderno baten egunerokotasunaren pertzepzioak eraldatzeko gogoa islatzen dute.