Edukira zuzenean joan

Paris: arteen hiriburua, 1900-1968

TAG_Tirudiak_VALUE
Izenburua:
Paris: arteen hiriburua, 1900-1968
Data:
2002ko maiatzak 28 - 2002ko irailak 3
Komisariotza:
Ann Dumas, Gladys Fabre, Norman Rosenthal eta Sarah Wilson
Erakusketa mota:
Taldekoa
Gaiak:
Artea eta historia | Artea eta politika | Sorkuntza artistikoa | Bigarren Mundu Gerra | Lehen Mundu Gerra | Paris | Auzo Latinoa | Montmartre | Montparnasse | Saint-Germain-des-Prés
Mugimendu artistikoak:
Arte Garaikidea
Erakusketa birtuala:
https://www.guggenheim-bilbao.eus/eu/erakusketak/paris-arteen-hiriburua-1900-1968/

Paris: arteen hiriburua, 1900–1968 erakusketan ibilbide bat egin ahal izango dugu XX. mendearen lehenengo zazpi hamarkadetan zehar Parisen pinturan eta eskulturan izan ziren aurrerapen nabarmenenak eta aldi hartan zehar hiria aldatu zuten gertakari historiko eta politikoak ezagutzeko.

XIX. mendearen urte gehienetan eta ia XX. mende osoan zehar, Paris arteen hiriburua izan zen inolako zalantzarik gabe: hiriaren edertasunak, bertako giro erromantikoak, bere historia kulturalak, politika liberalak eta bizi-kostu merkeak munduko bazter guztietako artistak erakarri zituen.

Parisko lau gunetan —Montmartre, Montparnasse, Saint-Germain-des-Prés eta Auzo Latinoa— jarduera artistiko handia izan zen berebiziko garrantzia izan zuten momentutan. 1900etik I. Mundu Gerra amaitu zen arte gutxi gorabehera, Montmartre abangoardiaren gunea izan zen. 1920ko eta 1930eko hamarkadetan, Montparnasse artista bohemioen elkargunea ez ezik giro handiko lekua izan zen. Gerraren urte latzetan, Saint-Germain-des-Prés-eko kafetegietara aldatu zen giroa. Hirurogeiko hamarkada esperimentazioaren eta konpromiso politikoaren urteak izan ziren artearen alorrean, horren isla 1968an Auzo Latinoan izan ziren gertaerak izanik batez ere.

Pablo Picasso, Robert Delaunay, Marcel Duchamp, Fernand Léger, Constantin Brancusi, Jean Dubuffet, Yves Klein edo Niki de Saint Phalle bezalako artista entzutetsuak dira, besteak beste, jarduera artistiko oparo horren protagonistak. Hain zuzen ere, duela gutxira arte arteen hiriburua zenaren hiri-geografian zehar egindako ibilbide original honek azpimarratzen duena.