Oskar Kokoschka. Vienako errebeldea
Enfant terrible bat Vienan (1907–1916)
Atalak
Oskar Kokoschka. Vienako errebeldea
- Izenburua:
- Oskar Kokoschka. Vienako errebeldea
- Erakusketa:
- Oskar Kokoschka. Vienako errebeldea
- Gaiak:
- Artea eta historia | Artea eta politika | Artistak | Eragin artistikoa | Ibilbide artistikoa | Sorkuntza artistikoa | Bigarren Mundu Gerra | Faxismoa | Nazismoa | Viena
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura (olio-pintura)
- Aipatutako artistak:
- Kokoschka, Oskar
Oskar Kokoschka (1886–1980) margolari, poeta, idazle, saiogile eta antzerkilariak XX. mendean ekin zion bere ibilbideari, Vienan, Gustav Klimt-ek (1862–1918) eta Egon Schiele-k (1890–1918) bezala. Bere lehen obrek eskandalua eragin zuten ikusleen zein kritikaren artean, eta Oberwildling (“basatietan basatiena”) ezizena jarri zioten berehala. Ibilbide pertsonal eta artistiko oparoa garatu zuen ia XX. mende osoan zehar, eta lotura estuak izan zituen bere garaiko gertakari historikoekin.
Independentziari eutsi nahi zionez, bere bizialdian ez zuen inoiz bat egin ezein mugimendu artistikorekin. Horren harira, Kokoschkak adjektibo bakarra onartu zuen bere buruarentzat: espresionista. Hala esan zuen: “Espresionista naiz, bizitza espresatzea baita egiten dakidan bakarra”. Bere artearekiko konpromiso hori bere obra guzti-guztietan agertzen da, eta, hala, margolaria bere garaiaren eta orduko eraldaketen funtsezko lekukoa izan zen.
Bere ibilbidearen hasierako erradikalismoaren ondorioz, naziek jomugatzat hartu zuten, eta “arte degeneratuaren” ordezkari gisa aurkeztu. Bere lanen bitartez faxismoaren aurka borrokatu zen, eta, Bigarren Mundu Gerraren ostean, figura garrantzitsua izan zen Europaren berradiskidetzean; buru-belarri aritu zen kontinente suntsituaren kultur berreraikuntzan.