Ispilua alderantziz. "La Caixa" Fundazioaren eta MACBAren bildumen artea
Ispilua alderantziz. ["La Caixa" Fundazioaren eta MACBAren bildumen artea]
Funtzioa eta birsorkuntza argazkigintzan: nia eta bestea
Atalak
Funtzioa eta birsorkuntza argazkigintzan: Landschaft
- Izenburua:
- Funtzioa eta birsorkuntza argazkigintzan: Landschaft
- Erakusketa:
- Ispilua alderantziz. "La Caixa" Fundazioaren eta MACBAren bildumen artea
- Gaiak:
- Argazkigintza | Artea eta espazioa | Artea eta gizartea | Eragin artistikoa | Sorkuntza artistikoa | Tamaina | Paisaia | Düsseldorfeko Eskola | Vancouverreko Eskola
- Mugimendu artistikoak:
- Arte Garaikidea
- Aipatutako artistak:
- Becher, Bernd | Becher, Hilla | Bustamente, Jean-Marc | Douglas, Stan | Graham, Rodney | Gursky, Andreas | Höfer, Candida | Hütte, Axel | Laguillo, Manolo | Ribas, Xavier | Struth, Thomas | Wall, Jeff
Egungo argazkigintzan, Landschaft, paisaia alemanez, genero bat da, eta askotariko ikuspegietatik aztertzen dute artistek. Ikuspegi horien adibide dira Vancouverreko Eskola eta Düsseldorfeko Eskola. Areto honetan bien ereduak daude, baita horiei lotu ez zatzaizkien argazkilarien lanak ere; izan ere, mugimendu horien antzeko estrategiak erabili dituzte Jean-Marc Bustamante-k, Manolo Laguillo-k eta Xavier Ribas-ek, besteak beste. Düsseldorf-eko Eskola izena eman zaie 1970eko hamarkadan Düsseldorf-eko Arte-Eskolan Bernd eta Hilla Becher-en ikasleak izandako artistei. Maisu horien estilo dokumentalista eta objektibotasuna lantzeko modua oso eragin zuen hauengan: Andreas Gursky, Candida Höfer, Axel Hütte eta Thomas Struth. Artistok Bechertarren lanen parametroak eguneratu zituzten, eta beste gai eta teknika batzuetara jo zuten: pertsona-taldeak eta horiek arkitekturarekin duten lotura irudikatzeko modu bereziak eta hiriko paisaiaren azterketa hotza eta atsekabegarria, besteak beste. Horrez gain, denborarekin, argazkiak inprimatzeko teknologia berriei esker, bereizgarri dituzten tamaina handiko lanak egin zituzten.
Vancouverreko Eskolaren barne daude 1980ko eta 1990eko hamarkadan Kanadako hiri horretan lan egin zuten artistak, hala nola, Stan Douglas, Rodney Graham eta Jeff Wall. Horiek filmak ekoizteko teknikak erabili zituzten argazkiak eszenaratzeko, eta, hori dela eta, haien lanek, hainbat baliabidetan egindakoek, erraz ezagut daitekeen zinemaren estetika dute. Jeff Wall aitzindaria izan zen argi-kutxak erabiltzen, gaurko gizartearen muina agertzen duten bere konposaketak aurkezteko.