Ispilua alderantziz. "La Caixa" Fundazioaren eta MACBAren bildumen artea
Funtzioa eta birsorkuntza argazkigintzan: Landschaft
Performancearen mugak
Atalak
Funtzioa eta birsorkuntza argazkigintzan: nia eta bestea
- Izenburua:
- Funtzioa eta birsorkuntza argazkigintzan: nia eta bestea
- Erakusketa:
- Ispilua alderantziz. "La Caixa" Fundazioaren eta MACBAren bildumen artea
- Gaiak:
- Argazkigintza | Artea eta identitatea | Artea eta psikologia | Sorkuntza artistikoa | Erretratua eta autorretratua
- Mugimendu artistikoak:
- Arte Garaikidea
- Aipatutako artistak:
- Beecroft, Vanessa | Feldmann, Hans-Peter | Horsfield, Craigie | Sherman, Cindy | Wearing, Gillian
Erretratua antzinarotik izan da estetikaren eta filosofiaren aztergai. Horrenbestez, nabarmen garatu da erretratugintza, XX. eta XXI. mendeko pentsamenduaren aldaketa sakonak islatu baititu. Egungo erretratuetan, pertsonak irudikatzeko estrategiak identitate-, arraza- eta genero-politikekin zerikusia dute, eta horren erakusgarri dira areto honetako lanak, 1970etik gaurdainoko egindakoak.
Erretratuaren egileak bere burua, nia, edo bestea irudikatzea erabakitzen du; eta, batzuetan, are bestea gisa bere burua irudikatzea. Noizbehinka, erretratatutakoa pertsona anonimo bihurtzen da, haren identitatea eta bereizgarriak baztertzen baitira; horren adibide dugu Vanessa Beecroft-en argazkia. Besteetan, Craigie Horsfield lanetan ikus daitekeenez, egileak psikearen ikerketa egiten du, eta profil psikologikoa agertarazteko antzeko era sotila Hans-Peter Feldmann-en artelanetan ere igar daiteke; izan ere, argazki-segida horretan keinu aldaketa txikiak hauteman daitezke. Cindy Sherman artistaren lanek, aldiz, identitatearen gaiaren adierazle dira. Identitatea gai nagusi izan zen arteetan 1990eko eta 1980ko hamarkadan, eta Shermanen argazkiek erakusten digute identitatea kodetutako irudi formalen bidez eraikitzen dela. Artistek XXI. mendean ere azterketa horrekin segitu zutela aditzera ematen digute areto honetako Gillian Wearing-en lanek, 2003an hasitako Albuma (Album) sailekoek.