Anish Kapoor
Tiroak txokoan (Shooting into the Corner, 2009)
Atalak
Anish Kapoor
- Izenburua:
- Anish Kapoor
- Erakusketa:
- Anish Kapoor
- Gaiak:
- Artea eta espazioa | Ibilbide artistikoa | Esperimentazio artistikoa | Sorkuntza artistikoa | Lan-prozesua | Materiala | Veneziako Bienala | Royal Academy of Arts | Gogoeta
- Mugimendu artistikoak:
- Arte Abstraktua | Arte Garaikidea
- Artelan motak:
- Eskultura | Instalazioa | Kokapen zehatzerako artea
- Aipatutako artistak:
- Kapoor, Anish
Estudioan erauzten dugu esanahia, itxuraz zentzugabea den prozesu baten bidez, jolas-antzeko prozesu baten bidez. Arte abstraktua azalaren azpian funtzionatzen saiatzen da, nolabait esateko esanahiak ezkutuan ematen ditu.
Anish Kapoor
Azken hogeita hamar urteotan, Anish Kapoorrek nazioarteko ospea bereganatu du, eta bere belaunaldiko artista eragingarrienetako eta nabarmenetako bat bihurtu da. Erakusgai ditugun objektuek formari, espazioari, koloreari eta materialari buruzko Kapoorren azterketa uzten dute agerian, eta guztiek ere eragin sakona izan dute eskultura garaikidearen garapenean. Masaren eta hutsaren, eta sortzearen eta suntsitzearen arteko aldeak, eta prozesua edo iragankortasuna adierazten dituzte Kapoorren eskulturek, instalazioek eta arte proiektu publikoek; hala, lanok mundu ikusgarriaren ezegonkortasuna jasotzen duten topalekuak eskaintzen dituzte.
Erakusketa honetan hainbat lan multzo daude —bakoitzari Kapoorrek “formaren mintzaira” deritze— eta bereizgarri dute zer materialez eginda dauden (pigmentua, harria, leundutako altzairu herdoilgaitza, argizaria eta zementua) eta zer nolako prozesuaren bidez sortu diren (leherketak eta entropia, esaterako). Kapoorrek esperientzia fisiko eta psikologikoen segida moduan taxutu du erakusketa; esperientzia horiek haren eskultura-lengoaia poetiko baterako bilaketan murgiltzen gaituzte, zehatzago, objektuaz haratago doan lengoaia baten bilaketan. “Maiz esan dut artista naizen aldetik ez dudala ezer adierazteko. Ezer esateko baduzu, esanahia helarazten duzu. Artistaren zeregina da zer esan ez jakitea, eta ez jakite horrek zuzentzen du artelana”.
Anish Kapoor Bombayn jaio zen eta Londresen bizi eta lan egiten du. 1990ean Erresuma Batuko ordezkari izan zen Veneziako 44. Bienalean eta artista gazteenari Duemila saria jaso zuen. Hurrengo urtean Turner sari entzutetsua eman zioten. Londresko Royal Academy of Arts-en du jatorria erakusketak eta Guggenheim Bilbao Museoan artistaren lankidetza estuarekin jarri da. Areto hauek albait soilenak dira hausnarketarako egokiak izan daitezen.