Georg Baselitz. Heroiak
[Georg Baselitz. Heroiak]. Sarrera
Remix
Iruzkinak
Zelaia (Field), 1963
- Izenburua:
- Zelaia (Field), 1963
- Erakusketa:
- Georg Baselitz. Heroiak
- Artelan motak:
- Pintura
- Aipatutako artistak:
- Baselitz, Georg
Irudi hauek ez dute Georg Baselitzen Heroiak seriea osatzen. Urte dezente lehenago margotu zituen, artista ezezaguna zenean. Estilo gordina eta probokatzailea erakusten du bertan. Garai hartan Oberon bezalako obra original eta desafiatzaileak sortzen zituen jada. 1963an agintari alemaniarrek Berlineko Werner & Katz galerian erakusgai zeuden bere bi koadro konfiskatu zituzten "immoralak" zirelako, eta horrela, bat-batean lortu zuen Baselitzek ospea Alemania osoan. Bi urte beranduago, Florentzian ikasteko diru-laguntza bat lortu zuen, eta egonaldi horrek funtsezko aldaketa suposatu zuen bere lanean. Florentziatik bueltan, Baselitz Heroiak seriean lanean hasi zen. Horrela gogoratzen du Baselitzek:
Orain ikusita, 1965. urtea erabakigarria izan zen, urte erdi igaro nuelako Florentzian. Atzerrian bizi izan nintzen lehen aldia zen, Villa Romana etxean. Berlinetik iritsi nintzenean, oso nahaspilatuta nengoen, eta horrek eragin handia izan zuen nigan, une hartan eta ondoren ere. Niretzat guztiz ezezaguna zen kultura bat ezagutu nuen: ez nuen bidaia prestatu, ez hizkuntzari ezta kulturari zegokionez ere. Eta horrenbeste gauza berrirekin kontaktuan egoteak liluratu egin ninduen, baina hala ere, nire koadro propioak margotzeko grina izaten jarraitzen nuen: lan ezohizkoa izan zen horren guztiaren emaitza.