Georg Baselitz. Heroiak

Iruzkinak

Adiskideak IV (1966)

1965eko Adiskide handiak margolana izan zen jendaurrean erakutsi zen Heroiak serieko lehena.

Adiskide handiak obraren hondo ilunaren ostean, 1966ko Adiskideak IV lanean adiskidetasunaren gaia ageri da berriro, baina oraingo honetan paleta arinago bat baliatzen du artistak, tonu arrosekin, giro bakegileagoa eta optimistagoa iradokitzeko. Gainera, Adiskide handiak koadroan Baselitzek margotu zuen bikotea murriztu egin da eta orain, figura bakarra agertzen da.

Neure burua txolin sentitzen dudan bakoitzean arrosa kolorez margotzen dut. Gai nagusia irudiaren erdian kokatzeko modu gogor eta astun honetan, gaiaren zentralizaziotik urruntzen saiatu naiz; nire bizitza osoan saihesten saiatu naizen zerbait da. Batzuetan arrakasta osoa izan dut, eta beste batzuetan partziala soilik. Ez dut kritika moduan esaten: horrek ez du esan nahi koadro bat bestea baino txarragoa denik. Hemen tipo batzuk daude banku batean lerroan eserita: zein figura kokatzen duzu erdian? Edo norbait kentzen duzu? Guztiak berdin margotzen dituzu, pentagrama batean bezala? Hemen horrelako zerbait egiten saiatu naiz. Beti amaitzen da eskuinean eta ezkerrean. Baina ez guztiz, ez da amaitzen, jarraitu egiten du baita ere. Eta berdina gertatzen da talde honekin: keinuei dagokionez ere, beren begirada eta keinuekin, obra bi aldeetara luzatzen da. Nire lanei egitura dramatiko bat emateko modu legitimoa iruditu zitzaidan, hasiera batean nire helburua hori ez izan arren. Hori iradoki besterik ez nuen nahi. Baina arrosa, kolore aparta da, ezta? Arrosa eta urdina.