Henri Rousseau
Henri Rousseau [I]
Henri Rousseau [III]
Atalak
Henri Rousseau [II]
- Izenburua:
- Henri Rousseau [II]
- Erakusketa:
- Henri Rousseau
- Gaiak:
- Artea eta psikologia | Eragin artistikoa | Ibilbide artistikoa | Sorkuntza artistikoa | Konposizioa | Tamaina | Erretratua eta autorretratua | Paisaia | Hiri-eszenak | Landa-eszenak | Natura | Frantzia
- Mugimendu artistikoak:
- Arte Garaikidea | Inpresionismoa
- Artelan motak:
- Pintura
- Aipatutako artistak:
- Rousseau, Henri
Bere ibilbidearen hasieran Rousseau-k formatu txikiko pinturak egin zituen batez ere eta horietan Frantziako hiri-aldiriak eta hurbileko landa-ingurua irudikatu zituen. Dena dela, margo horiek taxutzeko moduak ezer gutxi zuen komunean inpresionisten argiaren eta kolorearen bat egitearekin: Rousseauk nahiago izan zuen beste konposatze-teknika bat asmatzea eta, izan ere, teknika horrek bere garaikideengan eta abangoardiako artista gazteengan eragin handia izan zuen. Pintura hauetan basatia baso trinkoek irudikatzen dute eta horiek lehen planoko hiri txukun-txukunetatik argi bereizten dituzte hesiek edo harresiek. Pixkanaka-pixkanaka hiri arrazionaletik aldendu zen eta naturaren irudikatze desegituratu eta gartsura egin zuen.
Erretratua ere landu zuen hastapenetatik. Maiz ezohiko zerbait bihurtzeko erretratuak berariaz itxuraldatzen zituen, batik bat “erretratu-paisaiak” direlakoak; bada, genero hori berak asmatu zuela esaten zuen Rousseauk. Erretratu txikienek (pertsonaren aurpegia besterik ez), “erretratu-paisaia” horiek (atzealdeak pertsonaren inguruko funtsezko informazioa ematen digu) eta bestelako erretratuek aditzera ematen dute halako arroztasun psikologikoa, erretratatutakoaren gainetik nabaritzen den ezaugarria.