James Rosenquist: atzera begirakoa
[Ingurunea]
[Artelanen esanahia eta interpretazioa]
Atalak
[Pop Artea]
- Izenburua:
- [Pop Artea]
- Erakusketa:
- James Rosenquist: atzera begirakoa
- Gaiak:
- Tamaina | Publizitatea | Masa-kultura
- Mugimendu artistikoak:
- Pop Artea
- Artelan motak:
- Pintura
- Aipatutako artistak:
- Rosenquist, James
1962an New Yorkeko Green Gallery-k bakarka egindako lehenengo erakusketa eskaini zion Rosenquisti. Urte hura garrantzi handikoa izan zen Pop Artearen sorrerarako, Roy Lichtensteinek eta Andy Warholek ere beren lehenengo bakarkako erakusketa egin baitzuten urte berean. Une hartatik aurrera Rosenquist pop arteari mugimendu artistiko gisa izena eman zioten lehenengo taldeko ia erakusketa guztietan egon zen. Beste pop artista batzuek bezala, Rosenquistek publizitatearen hizkuntza bisuala eta herri kulturarena arte ederren testuingurura egokitu zituen. Teknika industrialak erabiliz, Rosenquistek eskala handiko pinturak sortu eta pintura horietan publizitatetik hartutako pertsona, produktu eta eguneroko objektuen irudi zatiak barneratu zituen. Neurriz kanpoko dimentsioak eta eskala dituzten irudi horiek zatikatzean eta elkarrekin konbinatzean, Rosenquistek era abstraktu eta probokatzailean erakusten dizkigu objektu arruntenak (trailer bat, latako espagetiak, auto familiar bat). Irudi sentsualak eta ausartak dira, publizitateak berezkoa duen argitasunaz eginak, eta deigarriak dira, baina konbinatzen dituen moduak indargabetu egiten du publizitateari dagokion mezu komertziala, eta gizakiaren eta bizitza modernoaren elkarrekintzari buruzko ikerlan sotila iradokitzen digu. Obra original hauek elkarlotutako narratibak eratzen dituzte, non bat ez datozen objektuak konbinatuta agertzen diren mezuak burrunba egin dezan.