Olafur Eliasson: Bizitza errealean
Islandia
Obra glaziarrak
Atalak
Ikusteko makinak
- Izenburua:
- Ikusteko makinak
- Erakusketa:
- Olafur Eliasson: Bizitza errealean
- Gaiak:
- Artea eta espazioa | Artea eta pertzepzioa | Sorkuntza artistikoa | Argia | Islak | Geometria | Espirala | Materiala | Ispiluak
- Artelan motak:
- Eskultura | Instalazioa
- Aipatutako artistak:
- Eliasson, Olafur
1990eko hamarkadaren erdialdetik egin du lan Eliasson-ek ispilu eta islekin. Areto honetan, Zure ikuspegi espirala (2002) eta Zure leiho planetarioa (2019) daude, zenbait lan esekirekin batera: Haize hotzeko esfera (2012), Izar-hautsaren partikula (2014) eta Bizitza errealean (2019). Artistarentzat, esperientzia ludiko bisuala baino zerbait gehiago dira artelan horiek. Zure ikuspegi espirala eta Zure leiho planetarioa lanetan, adibidez, isla ugariek ikusten ari garena birkonfiguratzen dute. Ikuspegi ezberdinak agertzen zaizkigu aldi berean; hori dela eta, beste era batzuetara hautematen dugu gure posizioa. Espazioa kontrolatzeari uko egiteko eta nolabaiteko ziurgabetasunari jarraitzeko aukera dugu. Esfera bakoitza printzipio geometriko baten arabera egituratua dago; printzipio hori erregularra da, baina konplexua. Batez ere espiralak interesatzen zaizkio artistari, energia-sentsazioa sortzen baitute, bai objektuaren barruan, bai objektutik kanpo, inguruko hormetan sortzen den argi eta itzalen arteko jokoari esker. Zure irudizko etorkizuna (2020) lanean, sabaian jarritako ispilu baten gainean muntatu den arku erdizirkular bat bere islarekin konbinatzen da bisualki, ispiluaren gainazala zeharkatzen duen uztai erraldoi baten ilusioa sortzeko, aretoaren benetako espazioa eta ispiluko espazio birtuala elkartuta.