Olafur Eliasson: Bizitza errealean
Espazioa
Little Sun
Atalak
Izotza
- Izenburua:
- Izotza
- Erakusketa:
- Olafur Eliasson: Bizitza errealean
- Gaiak:
- Sorkuntza artistikoa | Materiala | Ingurunea eta natura | Berotze globala | Klima-aldaketa | Desizoztea | Groenlandia | Islandia | Katherine Richardson | Minik Rosing
- Artelan motak:
- Argazkia | Instalazioa
- Aipatutako artistak:
- Eliasson, Olafur
Izotzaren behaketa egiteko, Eliasson-ek eta Minik Rosing geologoak Groenlandiatik etorritako izotz glaziarreko bloke erraldoi batzuk hartu zituzten itsasotik, eta hiri batzuetako toki aipagarrietara eraman, jendeak zuzenean eta ukitzeko moduan bizi zezan Artikoa desizoztearen errealitatea.
Izotzaren behaketa Kopenhageko udaletxearen plazan instalatu zen lehen aldiz, 2014an, Nazio Batuen Aldaketa Klimatikoari buruzko Adituen Gobernu arteko Taldearen Bosgarren Ebaluazio Txostenaren argitalpenaren kariaz. 2015ean, Panteoiaren plazan erakutsi zen, Nazio Batuen Klimari buruzko Konferentzia (COP21) egin zenean. Izotzaren behaketa lanaren hirugarren bertsioa Londreseko bi tokitan ikusi ahal izan zen, 2018an: Bloomberg-en Europako bulego nagusien kanpoaldean eta Tate Modern museoaren aurrean.
Glaziarren urtzearen seriea (1999/2019) lanean, Eliassonek 1999an Islandiako glaziarrei atera zizkien hogeita hamar bat argazki 2019an ateratakoekin parekatzen dira, berotze globalak planetan duen eragin izugarria agerian jartzeko. Glaziarrak desizozteak dituen ondorio larrienak hobeto ulertzeko, Eliassonek luze eta zabal hitz egin zuen Katherine Richardson biologoarekin eta ozeanografoarekin.