Hilma af Klint
Usoa (1915)
Pertzeval saila eta Atomoa saila (1916–17)
Atalak
Erretaulak eta Azken koadroa (1915)
- Izenburua:
- Erretaulak eta Azken koadroa (1915)
- Erakusketa:
- Hilma af Klint
- Gaiak:
- Emakumea artean | Artea eta erlijioa | Eragin artistikoa | Ibilbide artistikoa | Sorkuntza artistikoa | Forma | Geometria | Kolorea | Konposizioa | Lan-prozesua | Bizitza | Teosofia | Suedia
- Mugimendu artistikoak:
- Arte Abstraktua
- Artelan motak:
- Pintura
- Aipatutako artistak:
- Af Klint, Hilma
Hilma af Klintek Tenplurako pinturak jartzeko eraikinaren zirriborro bat egin zuen bere koadernoetako batean, 1930 eta 1931 bitartekoan. Tenpluak energia eta lasaitasuna transmititu behar zituen, oinplano zirkularreko egitura bat izan behar zuen, eta hainbat solairu. Jarraitzaileek bide kiribil batean gora egingo zuten, aldareko kaperara iritsi arte. Han, orain hemen ikus ditzakegun hiru Erretaulak egongo ziren ikusgai, Tenplurako pinturak sailaren azken multzoa eta haren laburpena direnak. 1915ean amaituak, Erretaulak teoria ebolutiboaren bertsio teosofikoarekin lotuta daude. Teoria horren arabera, eboluzioa bi norabidetan gertatzen da, bai plano fisikotik espiritualera igotzean, bai jainkozko mundutik materialera jaistean. Mihiseotan, Tenplurako pinturak saileko margolanen formak, koloreak eta motiboak beren goren mailara iritsi direla antzematen da. Af Klintek erretaulei ematen zien garrantzia agerian geratzen da metalezko xaflen erabilerarekin; izan ere, arte erlijioso tradizionalean maiz erabiltzen zen material hori piezei ezaugarri berezi eta distiratsua emateko. Hilma af Klintek bere bizitzako lanik garrantzitsuenaren amaiera gisa hartu zituen erretaula horiek, baina, hala ere, azken lan bat egin zuen ondoren: Gizakien kastitatea, Azken margolana izenburuko mihise txikia.