Chacun à son goût
Clemente Bernad
Maider López
Atalak
Abigail Lazkoz
- Izenburua:
- Abigail Lazkoz
- Erakusketa:
- Chacun à son goût
- Gaiak:
- Heriotza | Artea eta umorea | Sorkuntza artistikoa | Antzerkia | Dualtasuna
- Teknikak:
- Marrazkia
- Artelan motak:
- Horma-pintura
- Aipatutako artistak:
- Lazkoz, Abigail
Bilbo, 1972. New Yorken bizi da eta bertan lan egiten du
Abigail Lazkozek marrazkira jotzen du eszenak sortzeko eta, horietan, jite teatrala —aldi berean tenebrista eta umoretsua— teknikaren soiltasunari kontrajartzen zaio. Hain zuzen, paradoxa eta kontrakoen elkarbizitza dira Lazkozek baliatzen dituen elementuak zoriontasunaren gaia bere obraren gidalerro bihurtzeko. Narrazioen bilduma zein birziklapena eta marrazketaren zein pinturaren tradizioko erreferentziak dira artean “modernoa” denaren kontzeptua auzitan jartzeko artista honek baliatutako beste arma batzuk.
Lazkozek horma-pintura handi bat egin du, Azken joeren 130.000 urte (130,000 Years of Latst Tendencies, 2007) deitutakoa eta, bertan, artelan horren argudio nagusia den heriotzaren irudikapena ez da zerbait makabroa edo izugarria, ikusteko moduko arrastorik uzten ez duen zerbait baizik. Ikusleak horma-hobi/umetoki batzuk ditu aurrean, non hildakoek kontzentrazio-ariketa nagi batean murgilduak diruditen. Kontrapuntu moduan, hilarrietako testuek, begiramenik gabe, heriotzaren itxura baketsua nahasten dute.