Chacun à son goût
Sergio Prego
Atalak
Ixone Sádaba
- Izenburua:
- Ixone Sádaba
- Erakusketa:
- Chacun à son goût
- Gaiak:
- Artea eta identitatea | Artea eta paisaia | Artea eta emozioa | Eragin artistikoa | Sorkuntza artistikoa | Erbestea | Antzerkia | Dantza | Dualtasuna | Gogoeta
- Artelan motak:
- Argazkia
- Aipatutako artistak:
- Sadaba, Ixone
Bilbo, 1977. Bilbon bizi da eta bertan lan egiten du
Ixone Sádaba-k identitate- eta dualtasun-kontzeptuak arakatzen ditu, bere irudiaren bikoizketaren bidez koreografia antzeztuak antolatuz; koreografia horiekin, fikzioko istorioak kontatzen ditu mitologia klasikoa edo beldurrezko zinema inspirazio iturritzat hartuz.
Desagertzearen poetika (Poétique de la disparition, 2006) sailean, Sádabak ohe baten gainean agertzen den gorputz zatikatu baten irudi aldi berean aratz eta asaldatuak aurkezten ditu. Izenik gabeko gorputz honek erbesteratzeari buruzko gogoeta proposatzen du, norberarena denaren kanporaketaren mugimendu mingarria den aldetik.
302 aretoko Leviatan (Leviathan, 2007) saila Estatu Batuetatik tornadoen garaian egindako bidaia baten emaitza da. Sádabaren arabera, argazkiek “urtero milaka gizon-emakume ikararen aurrean berdin uzten dituen beldurraren politika eta heriotzaren arriskua” adierazten dute. Exorzismoaren beharrez, artistak paisaia ezin ederragoak eta apokaliptikoak sortzen ditu eta, horietan, isiltasunak, beldurraren lagun, errealitatea (eta ez haren simulazioa) bizi dutenen biziraupen premiekin talka egiten du.