Barroko neurrigabea. Cattelan-etik Zurbarán-era

Atalak

Nekazarien barrokoa

Eszena bukolikoetan eta komikoetan, grinak, bizioak eta pasioa zabaltzen dira zentzumenen eta haragien tentazioz betetako egunerokotasuna aditzera emateko. Aisialdiko eszenak ere ugariak dira, eta horietan nagusi dira txirotasuna, zikinkeria eta bortizkeria. Lausoak dira jostaketa ausartiaren eta neurrigabetasun ez-moralaren zein lizunkeriaren arteko mugak. Margolanaren kontakizunean sakonki murgiltzen denak baino ez dio antzemango azpiko moraltasunari. Irudi adierazkor horien bezeroak ez ziren nekazariak, baizik eta aristokrazia eta burgesia; azken  horiek hiritan sortutako erosle berriak ziren, eta horien artean zeuden,  besteak beste, okin eta harakin dirudunak.