Jean-Michel Basquiat: Bada garaia

Heroiak eta santuak

Atalak

Kalea da estudioa

Izenburua:: Kalea da estudioa
Erakusketa:: Jean-Michel Basquiat: Bada garaia
Gaiak:: Artea eta politika | Kritika | Sorkuntza artistikoa | Sormena | Materiala | New York
Mugimendu artistikoak:: Arte Kontzeptuala | Kaleko Artea
Artelan motak:: Grafitia
Aipatutako artistak:: Basquiat, Jean-Michel

“Basquiat-en mihiseek haren arima eta kaleetakoa harrapatu zuten”. —Common, rap-kantaria

Hiri-paisaia da Basquiaten lehen lanen iturria: handik ateratzen zituen gaiak, ikuspuntuak eta materialak. Brooklynen jaio zen; aita Haitikoa zuen eta ama estatubatuarra, jatorriz Puerto Ricokoa. 17 urte baino ez zituenean New Yorkeko erdiguneko (downtown) arte-giroan sartu zen bete-betean haren grafitiei kontzeptualei esker; non mezu politikoak, poetikoak nahiz gatzdunak bideratu zituen bere lagun Al Diaz-ekin batera. Biak elkarlanean aritzen ziren SAMO© akronimoaz izenpetuz (“same old shit”-en laburdura: “betiko kaka”). Basquiatek ez zuen bere burua grafiti-artistatzat jotzen baina pintura-espraia artearen munduko ateak zabaltzeko giltza gisa erabili zuen. Ondoren, kalean aurkitzen zituen materialak erabiltzen hasi zen: baztertutako apar-goma zatiak, leihoak eta ateak esaterako. Basquiatek haren estilo nahastezina baliatu zuen lehen lan berritzaile horietan hiria irudikatzeko —kotxeak, hegazkinak edo lurrean klarionaz egindako jokoen arrastoak, besteak beste— eta kaleko poesia erakusketa-aretoetan sartzea lortu zuen.