Jean-Michel Basquiat: Bada garaia

Atalak

Heroiak eta santuak

“Jean-Michel-en koroak hiru punta ditu, haren hiru errege-leinuei dagozkienak: poetarena, musikariarena eta boxeolari handiarena. Jeanek haren trebetasuna indartsutzat hartzen zituenekin neurtzen zuen, zaletasun eta adin kontuei begiratu gabe”. —Francesco Clemente, artista

Basquiat-ek zalantzan jarri zuen mendebaldeko historia gizon beltzak errege edo santu gisa irudikatzerakoan. Koroa ikurtzat erabili zuen, behin eta berriro, bere heroien handitasuna aldarrikatzeko: kirolariak, musikariak eta idazleak. Leinu horren lorpenen oinordeko ikusten zuen Basquiatek haren lana; izan ere, askotan koroa horrekin irudikatzen zuen bere burua autorretratuetan. Koroak hainbat esanahi eta forma hartzen ditu: batzuetan argi-koroa da, bestetan arantzazko koroa da; santutasunarekin martirioa etorri ohi dela azpimarratzeko. Are, Basquiatentzat heroi eta santu hauek gudariak ziren eta, hori dela-eta, inoiz garaitzaile gisa irudikatzen zituen, besoak gora.