ArkiEskultura
XVIII. mendeko Neoklasizismotik XX. mendera: Boullée-tik Malevich-era
Hiru dimentsioko espazioaren konkista, 1910–1930: Kubismoa-De Stijl-Bauhaus
Atalak
Eskalaren gaineko garaipena
- Izenburua:
- Eskalaren gaineko garaipena
- Erakusketa:
- ArkiEskultura
- Gaiak:
- Artea eta pertzepzioa | Arkitektura | Eragin artistikoa | Ibilbide artistikoa | Sormena | Proportzioa
- Mugimendu artistikoak:
- Arte Garaikidea
- Artelan motak:
- Eskultura
- Aipatutako artistak:
- Brancusi, Constantin
Eraiki eta erabiltzen den arkitekturak izan ohi duen magnitudeak giza gorputzarena bikoizten du; eskultura, berriz, giza neurrien barruan mugitu ohi da. Eskala finkoak baztertzea eta eskultura bati tamainaz txikitutako eraikin baten itxura ematea eta, alderantziz, eraikin bati handitutako eskultura baten itxura ematea bereziki erakargarria da gure pertzepzioarentzat. “Nire tailerraren bezalakoa da eta!”, deiadar egin omen zuen Constantin Brancusik 1926an Manhattan auzoaren silueta itsasontzitik lehenengoz ikusi zuenean. Etxe-orratz pilatuek osatutako unitate kubiko haiek Parisko bere tailerrean egin zituen zokaloetako elementu geometrikoak gogorarazi zizkion eskultore errumaniarrari (ikus hormako argazkia). Berrogeita hamarreko hamarkadan Brancusik Zutabe amaigabea bere eskulturaren handitutako bertsioa proposatu zuen Chicagon etxe-orratz bat eraikitzeko, 122 metroko altuera izango zuena, eta halaxe definitu zuen arkitektura eskalaz kanpo handitutako eskultura gisa. Etxe-orratzen arkitekturak oro har daukan sormen eskultorikoak ez dauka mugarik, eta honela agerian jartzen du, nolabait esateko, arkitekturak eskulturaren historia xurgatu duela eta honek eraikinen forman duela jarraipena.