ArkiEskultura
Zizelkatutako hiria 1960–70: hiriko utopiak eta mega-eskulturak
Atalak
Box eta blob eta espazio birtualaren aurkikuntza - XXI. mendea
- Izenburua:
- Box eta blob eta espazio birtualaren aurkikuntza - XXI. mendea
- Erakusketa:
- ArkiEskultura
- Gaiak:
- Artea eta espazioa | Arkitektura | Eragin artistikoa | Sorkuntza artistikoa | Forma | Geometria | Blob arkitektura | Hirigintza | Pertzepzioa
- Aipatutako artistak:
- Lynn, Greg | Nouvel, Jean
Arkitekturaren historian kontrajarrita agertzen diren bi printzipio formal nagusitzen dira. Batetik, material solidoekin eraikitzea, praktikan geometriaren menpean jartzea eta kutxa ortogonalaren forma espaziala sortzea berarekin dakarrena. Bestetik, forma espazial organikoak sortzeko joera ikusten da, gizakiok gure antzinako bizilekutik, haitzulotik alegia, ezagutzen duguna. Werner Hofmannen esanetan, kuboa eta uteroa izango lirateke arkitekturaren historia bultzatu duten bi metafora arketipikoak. Dialektika hori erradikalizatu egin da gaur egun informatikaren teknologiak arkitektura biomorfoari eskaintzen dizkion aukera berriei esker, orain box (kutxa, geometrikoa) eta blob (forma askeak, organikoak) deitzen zaien joeren arteko polemika sorrarazteraino. Areto honetan elkarren ondoan ikusiko ditugu Greg Lynnek bizitasun handiko bere Enbrioi Etxearen inguruan egindako bariazioak, blob joera aditzera emanez, eta monumentaltasun hieratikoa darion eraikuntza kubiko bat — Jean Nouvelek Suitzako Expo’02ko bere Monolitoaren inguruan egindako interpretazio berria— kontrako box joera adierazten duena.