Gego. Infinitua neurtzen
Tamarind litografia-tailerra eta erretikulei buruzko azterlanak (1963–70)
Obra publikoa eta ingurune arkitektonikoak (1948–82)
Atalak
Ehunak (1956–88)
- Izenburua:
- Ehunak (1956–88)
- Erakusketa:
- Gego. Infinitua neurtzen
- Gaiak:
- Eragin artistikoa | Ibilbide artistikoa | Esperimentazio artistikoa | Sorkuntza artistikoa | Konposizioa | Lan-prozesua | Sinbologia | Diseinua | Ehungintza | Teknika eta materialak
- Mugimendu artistikoak:
- Abstrakzio Geometrikoa
- Artelan motak:
- Tapiza
- Aipatutako artistak:
- Gego,
Gegok ehuntzearen kontzeptuarekiko eta ekintzarekiko zuen interesa erabat presente dago bere lengoaia artistikoan. 1940ko hamarkadan, Alemaniatik Venezuelara emigratu ondoren, besteak beste altzariak, lanparak eta alfonbrak diseinatzeko tailer bat ireki zuen. Hirurogeita hamarreko eta laurogeiko hamarkadetan, behin baino gehiagotan, patroi korapilatsuko alfonbren eta ehunen diseinuarekin esperimentatu zuen berriz ere. Hemen ikusgai dauden piezek Gegok arte aplikatuetara egindako itzulera irudikatzen dute: artistak 1987an sortutako titulurik gabeko tapiz eseki handiak bereziki ilustratzen du garai hartako bere lana. Azken hori osatzen duten zuntz sintetikozko hari elkargurutzatuek paraleloan zeharkatzen dute konposizioa, eta begiztak eratzen dituzte muturretan; horren emaitza tarteka zeharrargia den ehundura bat da. Hormatik esekia, lanak agerian uzten du elementu linealak nola erabil daitezkeen —kasu honetan soka itxuran— motibo abstraktuak sortzeko. Pieza horrekin batera ikusgai daude artistak eskala txikiagoan sortutako ehunen beste adibide batzuk ere.