hezkuntza-edukia
Gorputzaren mugak
- Izenburua:
- Gorputzaren mugak
- Erakusketa:
- Emakumeak abstrakziogile
- Gaiak:
- Emakumea artean | Generoa eta sexualitatea | Giza gorputza | Artearen historia | Sorkuntza artistikoa | Forma | Materiala | Mugimendua | Tamaina | Dantza
- Artelan motak:
- Performance | Pintura
- Aipatutako artistak:
- Brown, Trisha | Caland, Huguette
Nola hitz egin gorputzaz hura irudikatu gabe?
Trisha Brown dantzari eta koreografoak dantzaren eta arte plastikoen arteko mugak lausotu zituen Marrazki bat da sailean. Brownek, ikatz-ziri batzuei eusten zielarik oinekin eta eskuekin, mugimenduak egiten zituen, eta, horrela, bere jardunaren arrastoa uzten zuen formatu handiko paper baten gainean.
Huguette Caland-ek, berriz, giza gorputzaren gaia jorratu zuen forma sentsualak erabiliz: mihisearen mugetaraino hedatzen ziren tolesak, zoko-mokoak eta bihurguneak iradokitzen zituen. Haren obrek, gainera, emakumeen sexualitateren inguruko tabuak zartatzen zituzten. Gorputz-zatiak (1976) obrak zer gorputz-zati iradokitzen digu?