hezkuntza-edukia
Norberaren oroitzapenak
- Izenburua:
- Norberaren oroitzapenak
- Erakusketa:
- Louise Bourgeois. Izatearen egiturak: Gelak
- Gaiak:
- Artea eta emozioa | Sorkuntza artistikoa | Sentimenduak
- Aipatutako artistak:
- Bourgeois, Louise
BOURGEOIS-ENTZAT ARROPA OROIMENAK PIZTEKO OSO BALIAGARRIA ZEN. GELA HAUETAKO ARROPA BATZUK JANTZI ETA UKITU ZITUEN EDO INGURUAN EDUKI ZITUEN; BIZITZAKO ZEIN UNETAN USTE DUZU ERABILI ZITUELA?
ARTISTAK ESAN ZUENEZ, PERTSONEK GURE HISTORIA KONTATU BEHAR DUGU, AHAZTU ETA BARKATU AHAL IZATEKO. ZEIN DA ZURE IRITZIA?
EGUNEROKO ZEIN ESZENA GERTA LITZATEKE GELA HAUEN BARRUAN?
Gelak lanen funtsezko osagai dira artistaren oroitzapenak eta haren historia pertsonala. Bourgeoisen jardunak ardatz autobiografikoa zuen eta haurtzaroaren garrantzia azpimarratzen zuen; haurtzaroan magia, misterioa eta familian bizitako drama nahastu zitzaizkion, eta gerora horrek eragin handia izan zuen haren bizitzan. Artistak iragana gorde zuen, argazkien, altzarien, eskutitzen, arropen eta abarren bidez; halaber, eguneroko bat idazten zuen, non egindako, sentitutako eta ikusitako guztia deskribatzen zuen. Nostalgia ez zuen produktibotzat hartzen, baina, halere, honakoa esan zuen: “Nire oroitzapenak behar ditut; nire dokumentuak dira”.
Gai honekin lotutako artelan batzuk dira: Aitaren suntsiketa (The Destruction of the Father, 1974), Gela VII (Cell VII, 1998) eta Dama laguntzailea (Lady In Waiting, 2003).