© Murakami

hezkuntza-edukia

Zer da didaktika?

Didaktikak barne hartzen ditu Museoaren barruan aurrera eramaten diren hezkuntza-programak, bai eta bertan dauden hezkuntza-eremuak ere. Horietan ikusgai dauden lanen testuingurua, nazioarteko arteari dagokionez, hobeto ulertzeko eta lan horiek hobeto interpretatzeko gakoak eta tresnak eskaintzen dira.

Hezkuntza-gune hau ©Murakami erakusketa osatzeko sortu da eta honako atal hauek ditu:

- Funtsezko galderak: “Nor? Zer? Zergatik? Nor da?” galderei erantzun laburrak eman eta Takashi Murakami-ren lanen oinarrizko ezaugarriak azaltzen dira.

- Irakurketa-txokoa: Murakamiren lanekin lotutako argitalpenen hautaketa bat izango da eskuragarri.

- Informatika-txokoa: Japoniako historia eta kultura eta Murakamiren bizitza azaltzen duen kronologia aukeratua dago atal honetan.

- Ikus-entzunezkoen txokoa: artistarekin zerikusia duten dokumentalak eta filmak emango dira bertan.

- Lantegi-txokoa: atal honetan haurrek eta Museoaren Lagunek erakusketarekin eta japoniar kulturarekin erlazioa duten tailerretan esku hartu ahal izango dute.