Niki de Saint Phalle
Eskopetaren artea
Nanak boterera
Atalak
Emakumeen rolak
- Izenburua:
- Emakumeen rolak
- Erakusketa:
- Niki de Saint Phalle
- Gaiak:
- Emakumea artean | Generoa eta sexualitatea | Artea eta gizartea | Eragin artistikoa | Sorkuntza artistikoa | Feminismoa | Simone de Beauvoir
- Aipatutako artistak:
- de Saint Phalle, Niki
“Oso gaztetan heroi bihurtzea erabaki nuen. Nor izango nintzatekeen? George Sand? Joana Arc-ekoa? Napoleon-emakume bat?”
Saint Phalle haurtzaroan ohartu zen emakumeek ez zituztela gizonek besteko aukerarik eta inguruan ez zituen ikusten jarraitzeko moduko rolak zituzten emakumeak; horregatik gaztetatik “heroi bihurtzea” erabaki zuen. Simone de Beauvoir-en Le Deuxième Sexe (1949) lanaren irakurketak oso hunkitu zuen, eta, emakumearen eskubideen aldeko mugimenduak sortu baino urte batzuk lehenago, emakumea bere artearen gai bihurtu zuen. Aitzindaria izan zen horretan; gainera, emakumea konplexutasun osoan aztertu zuen: emakume izateak zekartzan mugaketen biktima moduan, bai eta asmatu beharreko mundu berriaren heroina moduan. Haren muntaiak oraindik ere harrigarriak dira, erradikalak eta anbibalenteak baitira. Izenburu iradokitzaileak dituzte, hala nola, Emaztegaia, Erditzea, Prostituta, Sorgina eta Jainkosa, eta gertutik behatzekoak dira, arreta handiz hautatu eta kokatu baitzituen artistak muntaien objektuak, bai pilatuta bai bakanduta daudenak.