Niki de Saint Phalle
Nanak boterera
Dianaren ametsa
Atalak
Gizarte matriarkal berria
- Izenburua:
- Gizarte matriarkal berria
- Erakusketa:
- Niki de Saint Phalle
- Gaiak:
- Emakumea artean | Giza gorputza | Artea eta gizartea | Eragin artistikoa | Sorkuntza artistikoa | Kolorea | Materiala | Feminismoa | Jean Tinguely | Larry Rivers | Per Olof Ultvedt | Clarice Rivers | Pontus Hultén
- Artelan motak:
- Eskultura
“Komunismoak eta kapitalismoak porrot egin dute. Bada garaia gizarte berri bat, matriarkala, eratzeko, nire ustez. Gosez hilko lirateke pertsonak emakumeek esku hartuko balute? Pentsatzen dut, eta ezin dezaket saihestu, ama diren, ama izateko gaitasuna duten emakumeek, zoriontsu nintzatekeen mundu bat eraikiko luketela”.
Nanak izeneko eskulturak emankortasunaren jainkosen eta erditzeen muntaien hedadura naturala izan ziren. Hasieran, itsatsitako paperez (papier collé) eta artilez egiten zituen, eta, gerora, erretxinaz. Artistaren arabera, emakumeen irudikapen hauek, sarritan sabel handituak dituztenak, jatorria zuten Larry Rivers-ekin egindako marrazki batean, Riversen emazte haurdun Clarice irudikatzen zuena. Emakume ederrak eta indartsuak dira Nanak, eta emakumeek boterea duten mundu berri bat hezurmamitzen dute. Gorputz, emankor eta koloretsuak, aurki eraldatu eta zabaldu ziren, Nana-Etxe bihurtzeko. Nana-Etxe horiek bizitzeko beste modu bat ematen zuten aditzera. Nana-Etxe horien artean lehena eta nagusia Hon (“bera”) izeneko lana izan zen. Jendea bere barruan sartzeko moduko eskultura erraldoi hori, aldi baterako baino ez eraikitakoa, Stockholmeko Moderna Museet-en sortu zuen 1966an, Jean Tinguely-ren eta Per Olof Ultvedt-en laguntzarekin, museo horretako zuzendari Pontus Hultén-en gonbidapenaren harira.