Antoni Tàpies. Objektutik eskulturara (1964-2009)
Hirurogeiko hamarkadaz geroztik
Atalak
Antoni Tápies. Objektutik eskulturara (1964–2009)
- Izenburua:
- Antoni Tápies. Objektutik eskulturara (1964–2009)
- Erakusketa:
- Antoni Tàpies. Objektutik eskulturara (1964-2009)
- Gaiak:
- Ibilbide artistikoa | Esperimentazio artistikoa | Sorkuntza artistikoa | Materiala | Tamaina
- Teknikak:
- Ensanblajea
- Artelan motak:
- Eskultura | Eskultura-objektua
- Aipatutako artistak:
- Tàpies, Antoni
Antoni Tápies. Objektutik eskulturara (1964–2009) erakusketak artista katalanaren alderdi esanguratsuenetako bat ikusteko aukera ematen du, hots, eskultore gisa egindako ibilbidea. Ehun artelan inguru biltzen dituen erakusketa honek eskulturen zein objektuen gainean egindako jardunaren ibilbidean sakontzen du, eta askotariko teknikak probatuz eta askotariko materialak erabiliz sortutako lanak biltzen ditu: 1960ko hamarkada erdialdeko eta 1970eko hamarkadako lehen objektu eta assemblage-etatik hasi, eta azkenaldiko txamotadun lur eta brontzeetara iritsiz. Bost hamarkadatan landutako produkzio honek corpus bakarra eta autonomoa osatzen du, eta haren bidez, artistaren ibilbidea aztertu ahal izango dugu.
Kronologikoki eta gaika antolatua dago erakusketa: artistaren lanaren garapena denboran eta artistak baliatutako gaiak, materialak eta teknikak tartekatzen ditu. Era horretara, Antoni Tàpiesen unibertsoaren elementu nagusiak argi eta garbi nabarmentzen dira: hormaren ideia, aulkiak, oheak, liburuak eta beste objektu batzuk, besteak beste. Horiek guztiek hiztegi pertsonala osatu zuten, eta artistak tamaina handiko eskultura zein dimentsio txikiko pieza fin bihurtu zituen. Erakusketak agerian uzten du Tàpiesek arazo eskultorikoaren aurrean zuen kezka etengabea eta, lehen aldiz, bere baitan aurkeztuko du eskultura, huts hutsean.