Antoni Tàpies. Objektutik eskulturara (1964-2009)

Atalak

1995-2009

Erakusketaren azken aretoan, bukatzeko, 1995etik 2009ra bitarteko eskulturak daude ikusgai, hau da, artistaren amaierako produkzioa biltzen du, hil baino hiru urte lehenagora arte. Tàpies-ek hamarkada luzeetan zehar pilatutako baliabide teknikoak eta material anitzak irmotasun handiz azaldu zituen. Brontzeak, assemblage-objektuak eta zeramikak landu zituen epe horretan. Artista ez zen aurreko urteetan erabilitako teknikak berregitera mugatu, eta arintasun handiz tartekatu zituen materialak eta prozesuak. Eskulturetako bakoitzak prozesu gehigarri bat du, bere hizkuntzari elementu berriak erantsiz. Brontzearen kasuan, patina eta formatu berriak landu zituen; zeramikan, minerala eta organikoa kontrajarri zituen, baita gresa eta lurra ere; eta objektuei dagokienez, ikuspegi eta bolumen berriak sortu zituen. Aitzitik, bere irudizko mundua osatzen zuten ezaugarri iraunkorrek tinko jarraitu zuten: zeinuak, grafiak, gurutzeak, matematikak, landa-ere­mua, egunerokoa eta familia-eremua. Bere azken testuetako batean, Shih Tao-ren aipu hau helarazi zigun Tàpiesek: “Nire eskuaz hitz egiten dut nik; zuk begiekin entzuten duzu”.