David Hockney: ikuspegi zabalago bat

Bizitik margotutako urmargoak eta lehen olio-pinturak, [eta] tunelak

Atalak

Hasierako paisaiak [eta] Yorkshireko lehen paisaiak

Izenburua:: Hasierako paisaiak [eta] Yorkshireko lehen paisaiak
Erakusketa:: David Hockney: ikuspegi zabalago bat
Gaiak:: Artea eta espazioa | Artea eta emozioa | Ibilbide artistikoa | Sorkuntza artistikoa | Kolorea | Perspektiba | Paisaia | Memoria | Ingurunea eta natura | Yorkshire
Artelan motak:: Pintura
Aipatutako artistak:: Hockney, David

Hasieratik erakusketa honen muina Hockney-k Yorkshiren egindako azken lanak ziren. Nolanahi ere, oraintsuko lan horien testuingurua emateko, paisaia zaharragoak aukeratu dira; horiexek aditzera ematen baitute natura irudikatzea aspalditiko interesa dela eta hala egin duela behin eta berriro modu ezberdinetan. Areto honetan bildu dira lanok eta, bere ibilbidean are beste gai batzuk nagusi zituenean, paisaia oso landu duela erakusten dute. Tarte handia hartzen dute lan hauek, 1956tik 1998ra, eta espazioa irudikatzeko ardura eta natura islatzeko koloreen erabilera eta perspektibaren manipulazioa aspaldiko gaiak direla adierazten dute. Kezka horiek erakusketaren oinarri diren azken aldiko lanetan ere badaude; jarraipen hori argia da erakusketan.

Sei hilabete eman zituen Hockneyk 1997an Yorkhiren, lagun eta babesle Jonathan Silver gaixo eta hilzorian baitzegoen. Silverrek Saltaire-ko Salts Mill, antzinako fabrika bat, erosi zuen Hockneyren lanak bertan ikusgai egon zitezen beti. Egunero gidatzen zuen amaren etxetik lagunarenera eta bidean landa-inguruko paisaia zeharkatzen zuen; horrela lotu zitzaion berriro gaztaroko paisaiari eta piztu zitzaion harengako interesa eta txera. Hargatik hasi zen jaio zen konderriaren pinturak egiten; izan ere, ikasle zenetik, 1950etik, ez zuen horrelakorik egiten. Lanok buruz egin zituen estudioan: eguneroko ibilbidearen oroimen bizien eta gaztaroko oroitzapen zaharren uztarpena dira.