David Hockney: ikuspegi zabalago bat

Atalak

Elorri zuria loratzen [eta ] zuhaitzak eta totemak

Areto honetako lanek bizitzaren zikloa jasotzen dute: batzuek udaberria eta elorri zuriaren loratzea eta beste batzuek zikloaren amaiera neguan, bizirik gabeko zuhaitzak; bai eta tarteko aldi guztiak ere. Hockney guztiz egokitu da naturaren erritmoetara, eta zehaztasun handiz iragar dezake noiz loratuko den elorri zuria udaberrian. Garai horri, eta loratzeari ere, “jardun-astea” deitzen dio; horrek adierazten du ondo ohartzen dela udaberria, uda eta negua ez bezala, laburra dela eta arin margotu behar duela.

Elorri zurien loratzearen azken pinturak eta enbor moztuen eta totemen pintura guztiak estudioan egin zituen; argi dago haren irudimena askeago dela buruz lan egitean bizitik, zuzenean, margotzen duenean baino. Motzondoa edo “totem”a hildako arbola batetik gelditzen dena da, eta Hockney ohartu zen eskultura soil itxurako horri halako noblezia zeriola, eta, hortaz, motibo erakargarria egin zitzaion. Baso-mozketei beste gai bat eskaini zion: oraindik bizi diren neguko arbolen —bertikalak— eta moztutako enborren —horizontalak— arteko aldea. Estudioan lan egitean ikatz-ziriz eta aurrez xehetasun handiz naturan egindako zirriborroez baliatzen da; batzuk hemen daude ikusgai.