David Hockney: ikuspegi zabalago bat
Elorri zuria loratzen [eta ] zuhaitzak eta totemak
Udaberria heldu da [eta] Woldgate-ko orain gutxiko lanak
Atalak
Mendiko sermoia [eta] Yosemite haraneko iPad bidezko marrazkiak
- Izenburua:
- Mendiko sermoia [eta] Yosemite haraneko iPad bidezko marrazkiak
- Erakusketa:
- David Hockney: ikuspegi zabalago bat
- Gaiak:
- Artea eta denbora | Artea eta espazioa | Artea eta teknologia | Eragin artistikoa | Sorkuntza artistikoa | Argia | Konposizioa | Tamaina | Paisaia | Ingurunea eta natura | AEB | Claude Lorrain
- Artelan motak:
- Pintura
- Aipatutako artistak:
- Hockney, David
Claude Lorrain (ca. 1604/05–1682) artista frantsesaren Mendiko sermoia lanak (ca. 1656) erakarri zuen Hockney 2009ko abenduan, New Yorkera egindako bidaia batean; izan ere, pintura hori Frick Collection-en egoitzan ikusgai zegoen eta urtetan ikusi izan zuen. Ez zion lilurarik eragin Bibliako eszenak, baizik eta Lorrainek lortutako espazioaren efektuak. Hartara, konposizioaren tamaina errealeko bertsio bat egitea erabaki zuen eta gerora horren arabera zenbait estudio egin, batzuk jatorrizkoari fidelagoak eta beste batzuk estilizatuak. Proiektuaren emaitza 30 mihiseko lan bat izan zen: Mezu zabalago bat (A Bigger Message, 2010). Mendiko sermoia baino askoz handiagoa izan arren, Lorrain-en konposizio bera dauka. Bere teknika berezia erabiltzean, Hockneyk gaia lan erraldoi bihurtzen du, espazioa irudikatzeko amarrua azpimarratzen duena.
Lorrainen pinturako paisaia sublimeak piztutako interes horrek berak eraman du Hockney AEBko Yosemite Parke Nazionala gaitzat hartzera. IPad gailua erabiltzen lortutako maisutasunari esker, argiaren eta eguratsaren berehalako aldaketak jaso ahal izan ditu, eta, gainera, bere teknika moldatu ahal izan du irudiak handitzeko, behar bezala inprima daitezen.