Rubens eta bere garaia. Ermitage Museoaren altxorrak

Atalak

Armak

Baliteke gizarte gehienetan gudariek itzal handiko estatusa edukitzeak armak eta armadurak antzinatik dekoratu izanaren arrazoietako bat izatea, eta sarritan balio handiko materialekin gainera, esate baterako metal preziatuekin eta harribitxiekin. Gizarte askotan gudari baten ekipoak zuen balioak eta edertasunak errege edo aitzindari zen aldetik zegokion mailaren premiari erantzuten zioten. Armadura batzuk artisau nagusiak arduratzen ziren apaintzeaz eta diseinatzeaz eta hain pieza bikainak zirenez zeremonietarako bakarrik erabiltzen ziren.

Armaduren garapenak beti jarraitu izan dio gertutik armen garapenari. Armaduren produkzioan, kostuaren, babes-mailaren eta eskaintzen duten mugikortasunaren arteko erlazioa kontuan hartu behar da, zenbat eta armadura pieza gehiago jantzi orduan eta zailagoa izango baita mugitzea, eta orduan eta denbora eta diru gehiago behar izango baita armadura egiteko.

Armadura-erdiak ohikoak izan ziren XVII. mendearen hasieran. Garai hartarako aldatzen hasia zen armaduraren forma. Su-armek batailetan gero eta funtzio eraginkorragoa betetzen zutenez, armadurek balen kontra babestuak egon behar zuten. Nabaria egin zen berehala metalezko armadura osoek bizirauten lagundu beharrean traba egiten zutela. XVII. mendearen erdialdetik aurrera, zalditeriaren ohiko ekipoa bular-babesa eta kasketa izan ziren.