Yayoi Kusama: 1945tik gaurdaino
Alderdi biokosmikoa
Bizitzaren indarra
Atalak
Heriotza
- Izenburua:
- Heriotza
- Erakusketa:
- Yayoi Kusama: 1945tik gaurdaino
- Gaiak:
- Heriotza | Eragin artistikoa | Sorkuntza artistikoa | Sormena | Sinbologia | Espiritualtasuna | Bizitza | Ingurunea eta natura
- Mugimendu artistikoak:
- Arte Garaikidea
- Aipatutako artistak:
- Kusama, Yayoi
“Heriotzaren esanahia, haren koloreak eta edertasun berezia, haren oinatzen gelditasuna eta heriotzaren ondorengo ‘ezereza’. Orain bizi dudan fase honetan, nire arimaren atsedengarri sortzen dut artea, hori guztia onartuta”.
Kusamaren lana bizitzaren eta heriotzaren arteko muga horretan gertatzen da beti. Artistak bizitza laburreko landare artean eman zuen haurtzaroa familiaren mintegian, gerrako gertaerek eta haren ondorioek markatutako nerabezaroa izan zuen, eta gertuko bi heriotza pairatu zituen, aitarena eta Joseph Cornell lagun minarena, 1970eko hamarkadaren erdialdean. Horren guztiaren ondorioz, Kusamak ez du uste heriotza bukaera denik, baizik eta bizitzaren beste fase bat, forma berri baten sorrera izan daitekeena. Batzuetan, bere sormen-borroka horretan, etsipenaren erdian, “bizitzaren karga ilaun” gisa deskribatzen duen horretaz libratzeko gogoa adierazi izan du Kusamak. Hala ere, bere praktika artistiko eta literarioaren bidez, desira hori fantasia terapeutiko moduko bat bilakatu du, ordainsari espiritual bat heriotzaren “edertasun solemneari” eta egoaren galerari lotua betikotasunera itzultzeko bide gisa.