Paul Pfeiffer: Askatasunaren sorrerari buruzko kondairaren hitzaurrea

Atalak

Gaiztakeria zuzen-zuzenean (Kuala Lumpur) [Live Evil (Kuala Lumpur)], 2003

Bideo digitala etengabe errepikatuta (koloretan, soinurik gabea; 46 s), nylonezko egitura, pintura eta LCD panela

Collection of Walead Beshty, Los Angeles

Gaiztakeria zuzen-zuzenean (Göteborg) [Live Evil (Gothenburg)], 2017

Bideo digitala etengabe errepikatuta (koloretan, soinurik gabea; 52 s), nylonezko egitura, pintura eta LCD panela

Collection of Rina Ortiz, Manila

Gaiztakeria zuzen-zuzenean (Bukarest) [Live Evil (Bucharest)], 2004

Bi kanaleko bideo digitala etengabe errepikatuta (koloretan, soinurik gabea; 1 min 13 s), metalezko egiturak eta proiektagailuak

Sammlung Goetz, München

Gaiztakeria zuzen-zuzenean (Kopenhage) [Live Evil (Copenhagen)], 2003

Bideo digitala etengabe errepikatuta (koloretan, soinurik gabea; 1 min 2 s), nylonezko egitura, pintura eta LCD panela

Collection of Glenn and Amanda Fuhrman NY. Courtesy FLAG Art Foundation

Desiderata, 2004

Bideo digitala etengabe errepikatuta (koloretan, soinurik gabea; 2 min 22 s) eta DVD irakurgailu eramangarria

The Phelan Collection

Pfeifferrek behin baino gehiagotan jo du Michael Jacksonen figurara, poparen ikono beltz gisa izan zuen paper konplexu eta kontraesanez beteak ondo jasotzen baititu kultura garaikidearen baitan gertatzen diren paradoxak arraza-desberdinkeriari, obsesioari eta alienazioari dagokienez. Horren inguruan zera esan du artistak: “Nahiz eta mundu osoan zehar zabaldutako irudien erabilerak erakartzen nauen (besteak beste Michael Jacksonenak edo kiroleko heroienak), nire interes nagusia ez dira pertsona ospetsuak, inguruan duten aura baizik. Aura hori areagotzeko, lehen planora ekartzeko eta irudiaren puntu fokal bihurtzeko moduak bilatzen ditut. Nire lanean irudiak aldatzeko erabiltzen ditudan metodo guztiek (ezabatzea, errefraktatzea, islatzea, etengabe errepikatzea, etab.) asmo hori dute”. Gaiztakeria zuzen-zuzenean saileko lanetan, artistak Jacksonen zuzeneko emanaldietako metrajea manipulatu zuen musikariaren gorputza forma abstraktu bihurtzeraino: intsektu baten gorputza edo Rorschach test animatu bat ematen du. Jacksonen jantzi distiratsuek ikuskizunaren bizitasuna nabarmentzen dute eta figuraren dirdaiak gure arreta kolektiboa erakartzen du, baina haren gorputza ez dago begien bistan.