Paul Pfeiffer: Askatasunaren sorrerari buruzko kondairaren hitzaurrea
Inperioa (Empire), 2004
Ilunabarreko distira (Sunset Flash), 2004
Atalak
Neverlandetik zuzen-zuzenean (Live From Neverland), 2006
- Izenburua:
- Neverlandetik zuzen-zuzenean (Live From Neverland), 2006
- Erakusketa:
- Paul Pfeiffer: Askatasunaren sorrerari buruzko kondairaren hitzaurrea
- Gaiak:
- Eragin artistikoa | Ibilbide artistikoa | Esperimentazio artistikoa | Sorkuntza artistikoa | Konposizioa | Lan-prozesua | Gizarte-kronika | AEB | Filipinak
- Mugimendu artistikoak:
- Arte Garaikidea
- Artelan motak:
- Bideoartea
- Aipatutako artistak:
- Pfeiffer, Paul
Bi kanaleko bideoa etengabe errepikatuta (koloretan, soinuduna; 10 min 18 s) eta monitorea
Sammlung Goetz, München
Neverlandetik zuzen-zuzenean lanak bi bideo aurkezten ditu. Lehenengoa Michael Jacksonen telebista-irudietan oinarrituta dago. Horietan, Jackson (Pfeifferren obran behin eta berriz agertzen den figura) bere burua defendatzeko adierazpen publikoa ematen ari da haurren kontrako sexu-erasoak egin izana leporatuta 2005ean bere kontra egindako epaiketa baino lehen; AEBko historiako gertaera mediatikorik zabalduenetako bat izan zen hura. Bigarren bideoan, berriz, unibertsitateko 80 ikaslez osatutako koru bat agertzen da, zuriz jantzita, Jacksonen bakarrizketa hitzez hitz errezitatzen aho batez. Pfeifferrek Jacksonen ahoaren mugimenduak manipulatu zituen ahotsen erritmoarekin sinkronizatzeko, eta koruaren harmonia eta ñabardurekin ordezkatu zuen diskurtso indibiduala. Lan horrek jarraipena ematen die Pfeifferrek bentrilokiaren eta imitazioaren inguruan egindako azterlanei, eta ahotsaren eta identitatearen eraikuntza nabarmentzen du.
Pieza hau ekoizteko, Filipinetako Silliman Unibertsitateko lehen mailako ikasleekin lan egin zuen Pfeifferrek, unibertsitateko ikasketa-planak oratoria eta antzerkia jasotzen baititu. Hain zuzen ere, artistak oratoria alorrera eraman zuen —testu literarioak jorratu ohi dituen eta historikoki ingelesa bigarren hizkuntza gisa ikasteko baliatu izan den antzezpen modu batera— kultura herrikoitik hartutako testu garaikide bat. 1901ean sortutako Silliman Unibertsitatea Asian izandako lehen ikastegi estatubatuar eta protestantea da, eta Pfeifferren familiako hainbat belaunaldi izan dira bertan ikasle eta irakasle.