Jenny Holzer. Zera deskribaezina

206. aretoa

Atalak

205. aretoa

Izenburua:: 205. aretoa
Erakusketa:: Jenny Holzer. Zera deskribaezina
Gaiak:: Gizakia | Heriotza | Artea eta gizartea | Artea eta emozioa | Sorkuntza artistikoa | Kolorea | Materiala | Gogoeta
Mugimendu artistikoak:: Arte Kontzeptuala
Artelan motak:: Afixa | Eskultura
Aipatutako artistak:: Holzer, Jenny

Truisms eta Inflammatory Essays posterrek esaldi bakarreko adierazpenak eta 100 hitzeko testuak agertzen dituzte, hurrenez hurren; New Yorkeko leku publikoetan itsatsi ziren hasieran, eta haien bidez ikuspuntu desberdinak agertzen ditu artistak, gai teoriko, filosofiko, politiko eta erlijioso sorta zabalari dagokionez. Sail honekin, Holzer-ek irakurlea gonbidatzen du gogoeta egitera gizarte-eraldaketaren, egiaren eta propagandak publikoa manipulatzeko duen ahalmenaren inguruan.

1980ko hamarkadaren bukaeran hasi zen artista sarkofagoak egiten, eta haien estalkiak Laments saileko testuekin zizelkatu zituen. HIESaren izurriaren unerik latzenean idatzi zuen Laments, eta alferrikako heriotzaren berri ematen du lehen pertsonan, gaixo anonimoen ahotsa baliatuz. Sail horretako hautaketak granito beltzez eta marmol gorriz ditugu hemen; azken hori Glenstone Museum-en (Potomac, Maryland) mailegua da.