Jenny Holzer. Zera deskribaezina

Atalak

209. aretoa

I woke up naked lanak modu dinamikoan egiten du kulunka sabaiko errail robotizatutik. Barra elektronikoak sexu-eraso eta bortxaketatik bizirik atera diren pertsonen kontaketak agertzen ditu lehen pertsonan, ingelesez eta gazteleraz; gizarte-langileekin eta irabazi asmorik gabeko erakundeekin izandako elkarrizketetatik atera dira testigantzak, tartean Human Rights Watch, Save the Children, Protect Our Defenders, eta Iheslarientzako Nazio Batuen Goi Mandataritzarekin. Euskarazko lekukotzak Bizkaiko Foru Aldundiko Enplegua, Gizarte-Inklusioa eta Berdintasuna Sustatzeko Sailak argitaratutako Voces para ver / Ikusteko ahotsak testigantza-liburutik atera dira.

Purple lana 19 LED errotulu kurbatuko egitura bat da, giza saihetsak gogorarazten dituena. Errotuluak noizbehinka astindu eta dar-dar egiten dute, ingelesezko eta gaztelerazko idatziak bristadaka edo jarraian ageri den artean. Testua, Lustmord, 1993–95 artean idatzi zuen Holzer-ek, Jugoslavia ohian bortxaketa gerra-arma gisa erabili izanari erantzunez. Sexu-enkontru bortitzak nahiz gertakari horien ondorengoak egile, biktima eta ikusleen perspektibatik deskribatuz, Lustmord testuak sexu-indarkeria jasotzen du, horrek agertzeko duen modu desberdinetan.