Jenny Holzer. Zera deskribaezina
205. aretoa
207. aretoa
Atalak
206. aretoa
- Izenburua:
- 206. aretoa
- Erakusketa:
- Jenny Holzer. Zera deskribaezina
- Gaiak:
- Artea eta denbora | Artea eta espazioa | Artea eta emozioa | Artea eta teknologia | Lan intelektuala | Sorkuntza artistikoa | Argia | Kolorea | Lan-prozesua | Materiala | New York
- Mugimendu artistikoak:
- Arte Kontzeptuala
- Artelan motak:
- Afixa | Eskultura | Grabatua | Instalazioa
- Aipatutako artistak:
- Holzer, Jenny
Bere testuak aurkeztu eta hedatzeko Holzer-ek erabilitako baliabide anitzen adierazgarri da instalazio hau. Metal pintatuzko seinaleek eta errotulu elektronikoek publikoari mezuak helarazteko moduak dakartzate gogora; hala nola, kaleko kartelak eta iragarkiak. Survival saila izan zen Holzerrek errotulu elektronikoetarako propio sortutako lehen testua, eta Times Square-ko eta hiriko beste gune batzuetako publizitate-paneletan ipini ziren esaldiak ikusgai jatorrian: labur eta egokiak ziren, bertatik igarotzen zirenei irisgarri suerta zekizkien.
1980ko hamarkadaren hasieran ekin zion Holzerrek harrizko bankuak egin eta toki publikoetan kokatzeari; harridura eragiten dute, inskripzio eta oroitarri ofizialen forma izan arren, testu errebelatzaile eta basati nahiz hunkigarri eta argia hartzen baitute. Harriaren iraunkortasunak kontrastea egiten du Holzerrek erabili izan dituen euskarri efimeroekin, posterrekin eta errotulu elektronikoekin, esaterako. Kalko-paperean egindako marrazkiek dokumentatu egiten dute hitzak harrian behin-betiko grabatzeko prozesua. Areto honetan granito beltzezko bankuek Holzerren Under a Rock (1986) saileko testuak dituzte irarrita, eta Broad Foundation-ek mailegatu digu.