Jenny Holzer. Zera deskribaezina

Atalak

203. aretoa

2000ko hamarkadaren hasieratik, gobernu estatubatuarrak, Freedom of Information Act (FOIA) legea tarteko, publiko egin dituen dokumentuak ikertu ditu Holzer-ek. Olio-pintura liho gainean ipinita, eta metalezko xafla meheak gehituz batzuetan, artistak dokumentu desklasifikatu baina izugarri zentsuratuak erreproduzitzen ditu, hainbat gairi loturikoak: AEBko indar armatuek Afganistanen eta Iraken egindako operazioak, FBIak mehatxu terroristen eta ziberkontraespioitzaren aurrean egindako lanak, eta 2016ko presidente-hauteskundeetan Errusiak eragindako interferentziaren inguruan Robert D. Mueller Fiskal Bereziak egindako ikerketa. Pintura hauek irakurtzeko nahiz begiratzeko gonbita luzatzen diote bisitariari: batzuetan edukia azpimarratzen dute, eta besteetan horretatik aldentzen dira. Areto honetan dauden pintura ugari Written Art Collection-en eskaintza dira.