Edukira zuzenean joan

Artea eta espazioa

katalogoa

13. buru-ariketa baterako argibideak, 1974

Bruce Nauman

Izenburua:
13. buru-ariketa baterako argibideak, 1974
Egilea:
Bruce Nauman
Argitalpena:
Bilbo: Guggenheim Bilbao Museoa, 2017
Neurriak:
31,5 x 23 cm.
Orrialdeak:
228
ISBN:
978-84-95216-81-6
Lege gordailua:
BI-1783-2017
Erakusketa:
Artea eta espazioa
Gaiak:
Giza gorputza | Artea eta espazioa | Sorkuntza artistikoa | Espazioa
Mugimendu artistikoak:
Arte Garaikidea | Arte Kontzeptuala

ARGIBIDEAK

A. ETZAN ZAITEZ LURREAN, AHUSPEZ, ESPAZIOAREN ERDIGUNETIK GERTU, ETA, PIXKANA-PIXKANA, UTZI GORPUTZARI LURREAN HONDORATZEN. BEGIAK IREKITA MANTENDU.

B. ETZAN ZAITEZ LURREAN, AHOZ GORA, ESPAZIOAREN ERDIGUNETIK GERTU, ETA, PIXKANA-PIXKANA, UTZI LURRARI ZURE INGURUAN ALTXA DADIN. BEGIAK IREKITA MANTENDU.

Hau buru-ariketa bat da.
Praktikatu egunero ordu batez.
Aurrena, praktikatu ordu erdi batez A atala; gero, etenaldi bat egin, behar bezain luzea, gogoa husteko eta gorputza lasaitzeko; eta, azkenik, praktikatu ordu erdi batez B atala.

Hasieran, normala da segundo edo minutu gutxi batzuetan
kontzentrazioa galtzea edo ariketan etenaldiak gertatzea.
Halakoetan, hasi berriro hasieratik, besterik gabe, eta jarraitu ariketa errepikatzen,
ordu erdiko saio bat osorik burutzea lortu arte.

Ariketa ordu erdi osoz segidan eta etenik gabe egitean
dago zailtasuna: hau da, A atalari (hots, gorputza lurrean hondoratzeari)
edo B atalari (hots, lurrari zure gainetik altxatzen uzteari)
ordu erdiko saio oso bat eskaintzean.

A ariketaren kasuan, oso lagungarria gertatzen da ikuspen periferikoaren kontzientzia hartzea: erabil ezazu ikuspen hori aretoko ertzetako tartea nabarmentzeko;
hondora zaitez ertzen azpitik aurrena,
eta lur azpian ondoren.

B ariketaren kasuan, berriz, desaktibatu ikuspen periferikoa, eta tunel-ikuspenaren kontzientzia hartu: era horretan, espazioaren ertzak desagertzen hasiko dira, espazioaren erdigunea zure inguruan altxatzearekin batera.

Kasu bietan, kontuz jardun, ariketa amaitzean, gogoa eta gorputza lasaitzeko orduan.

[Itzultzailea: Rosseta Testu Zerbitzuak S.L.
Egokitzapena: Guggenheim Bilbao Museoa]