Ernesto Neto. Naraman gorputza
[Ernesto Neto erakusketako aretoetako baten inguruan I]
Atalak
Ernesto Neto. Naraman gorputza
- Izenburua:
- Ernesto Neto. Naraman gorputza
- Erakusketa:
- Ernesto Neto. Naraman gorputza
- Gaiak:
- Gizakia | Giza gorputza | Giza harremanak | Artea eta pertzepzioa | Artea eta emozioa | Sorkuntza artistikoa | Natura
- Artelan motak:
- Eskultura
- Aipatutako artistak:
- Neto, Ernesto
Ernesto Neto (Rio de Janeiro, 1964) artista brasildarrak lanak zeharkatu, bizi, sentitu eta baita usaintzeko xedearekin sortzen ditu, horren arabera, ikusleak artelanaren bidez bere gorputza, zentzumenak eta adimena senti ditzake. Honako hau dio Netok: “Elkarren artean partekatzen duguna, elkarrengandik bereizten gaituena baino garrantzitsuagoa da. Gizatasunaren egoeraz eztabaidatu nahi dut; bizi dugunaz. Gauzen ibilbidea interesatzen zait. Lengoaia”. Hori dela eta, sentsualitatez, gorpuztasunez eta gogoetaz betetako eskulturen bidez ikertzen ditu pertsonen arteko harremanak. Netorekin batera, eskuz esku, taxutu da erakusketa eta artistaren lanen sorta zabala hartzen du, 1990eko hamarkadatik hasi eta gaur egunera arte. Obretako batzuk berriz ere eratu behar izan dira artistaren ideia berrietara, desioetara eta Museoaren arkitekturara egokitzeko; beste batzuk, aldiz, espazio horietarako berariaz diseinatu dira.
Erakusketak ibilbide bat proposatzen du artistaren funtsa eta lana lehen eskutik ezagutzeko, eta usainezko, kolorezko, sentipenezko, lengoaiazko eta zentzumenezko gertakariz betetako bizipena da. Atrioan abiatzen da bidaia eta bigarren solairuan barrena jarraitzen du. Areto bakoitzak esperientzia desberdin bat eskaintzen du eta behatzeko edo elkarri eragiteko erritmo desberdinak proposatzen dira. “Natura bizitzaren eta artearen maisua balitz bezala” ideia gailentzen da erakusketaren espazio guztietan eta ideia horrek lotzen ditu espazio horiek. Ibilbidean barrena, bisitariak era desberdinean sentituko du obra bakoitza eta bere gorputza paisaia anitzetan eraldatzen dela ohartuko da.