Ernesto Neto. Naraman gorputza
Ez erreparatu nahas-mahasari
Atalak
Begiekin jan
- Izenburua:
- Begiekin jan
- Erakusketa:
- Ernesto Neto. Naraman gorputza
- Gaiak:
- Bizitza | Generoa eta sexualitatea | Giza gorputza | Artea eta denbora | Artea eta pertzepzioa | Artea eta emozioa | Sorkuntza artistikoa | Materiala
- Artelan motak:
- Argazkia | Eskultura
- Aipatutako artistak:
- Neto, Ernesto
Neto-ren obra gehienean bezala, kolorezko argazki handi hau giza gorputzari buruzkoa da. Dallasko Nasher Sculpture Center-era egindako bisitaldi batean, Netok obren lehen planoko argazkiak egin zituen; “xehetasunak, urradurak eta bestelako berezitasunak erakusteko” asmoz hurbildu zen piezetara. Artistaren esanetan: “Irudi horiek euren artean dantzan hasiak ziren, sexua eta libidoa agerian utziz, baina, aldi berean, inuzente eta anbiguo izaten jarraituz”. Irudi horietako bat ikusgai dago erakusketan eta apaletan kokatutako landare txikiak dira berau ulertzeko osagarri, etengabe hazten ari den bizitzaren ideia adierazten dutelako. Zaintzeko unea (Caring Time, 2013) eskultura altzairuzko piezak ahokatuz egin da; hain zuzen ere, Netok nagusiki teknika hori erabiltzen du. Obra honetako atalak aurrefabrikatutako jostailuen modura elkarretaratzen dira, grabitateari desafio eginez. Denborak aurrera egin ahala, tamaina handiko eskultura hau zatika herdoildu egingo da eta altzairuak kolore arre gorrixka hartuko du, artistaren etengabeko hazkunde kontzeptuarekin bat eginez.