Ernesto Neto. Naraman gorputza
Zergatik zoaz berriro Erromara?
Mendiko senidea
Atalak
Ametsen etxea
- Izenburua:
- Ametsen etxea
- Erakusketa:
- Ernesto Neto. Naraman gorputza
- Gaiak:
- Artea eta espazioa | Artea eta pertzepzioa | Artea eta emozioa | Eragin artistikoa | Sorkuntza artistikoa | Natura | Herri-kultura | Brasil | Tradizioa
- Artelan motak:
- Eskultura | Instalazioa
- Aipatutako artistak:
- Neto, Ernesto
Tupi-guarani hizkuntz amerindiarretan, Rio de Janeiro eta inguruko indigenen tradizioaren arabera, oca (etxea) hitzak etxebizitza komunala esan nahi du, hau da, guztion artean eraikitakoa eta familia-talde batek edo batzuk erabiltzen dutena. Oca hitzak, halaber, tribu osoa biltzeko eta elkarrekin bizitzeko lekua ere adierazten du; bertan errituak ospatzen dira eta arbasoen ondarea partekatzen da: ezagutzez betetako etxea da. Netoren oca ametsez betetako etxea da: oca hori bizirik dago; animalia bat da. Atal honetan, Harrizko ezpainak, piperbeltzezko titiak, iltzezko amodioa, lainozko igela (Stone Lips, Pepper Tits, Clove Love, Fog Frog, 2008) itxura biologikoa duen eskultura dago ikusgai eta hurrengo aretoetarako sarbidea ere bada. Obraren sarreran ehuna tiratzen duten zenbait harri ikus ditzakegu, aldi berean pieza osoa tenkatzen dutelarik. Instalazioaren barrualdean piperbeltzez betetako bi “malko maskulinoek” eta iltzez betetako “malko femeninoak” gure usaimena esnarazten dute, ametsen mundura eramanez.