Ernesto Neto. Naraman gorputza

Atalak

Halakoa da bizitza

Bizitza gorputz bat da: haren zati gara (Life is a Body We are Part of−A vida é um corpo do qual fazemos parte, 2012) kolore anitzeko eskultura erraldoia da, sabaitik zintzilik dago eta kakorratz-lanaren eskuzko teknikarekin landu da. Obra honek Ernesto Neto-k bizitzaren aurrean duen ikuskera sinbolizatzen du, hots, pertsonen eta naturaren arteko bereizketarik gabekoa. Bi atal ditu obrak, maskulinoa bata —korridore esekia— eta femeninoa bestea —goialdeko plataforma—, eta pieza honek ernalketaz dihardu, espermatozoidea obuluan barneratzen den uneaz, bizitzaren hasieraz. Obra honen bidez, bisitariak nolabaiteko bertigo sentipena izatea du xede Netok; orekari buruz gogoeta egitera bultzatzen gaitu, sarritan ziurtzat ematen dugun oreka horri buruz, eta, halaber, “mugitzeko, desiratzeko eta beldurtzeko modua” birplanteatzeko gonbitea egiten digu.