Olafur Eliasson: Bizitza errealean
Sarrera
205 B arteoa: Isla baten deskribapena edo haren ezaugarriei buruzko ariketa atsegin bat (1995) [eta] Zure zalantzazko itzala (Kolorea) (2010)
Iruzkinak
205 A aretoa: Maketa-gela (2003)
- Izenburua:
- 205 A aretoa: Maketa-gela (2003)
- Erakusketa:
- Olafur Eliasson: Bizitza errealean
- Gaiak:
- Ibilbide artistikoa | Esperimentazio artistikoa | Sorkuntza artistikoa | Geometria | Diseinua | Lankidetza artistikoa | Moderna Museet | Einar Thorsteinn
- Artelan motak:
- Eskultura | Instalazioa | Maketa
- Aipatutako artistak:
- Eliasson, Olafur
Ideia bat, zirriborro bat, maketa bat: hori da Eliasson-en obren sorburua. Bitxikerien ganbera honetan, laurehun eta berrogeita hamar ale dauzkazu ikusgai: prototipoak, ereduak, miniaturak… Artistak bere estudioko lankideekin batera sortu zituen denak, eta, batez ere, Einar Thorsteinn zenak lagundu zion. Thorsteinn artista, arkitekto eta matematikari islandiarra izan zen.
1996tik 2014ra, hainbat proiektutan aritu ziren Thorsteinn eta Eliasson elkarrekin, eta orobat aztertu zituzten Eliassonek sortutako zenbait eskultura eta pabiloi egituratzen dituzten forma geometrikoak, simetriak eta proportzioak ere. Modelo horietako batzuk artelan edo eraikuntza arkitektoniko bihurtu dira, beste batzuk etorkizunean garatuko dira agian, eta badira teoria hutsean geratuko direnak ere. Adibidez, hemen ikusgai dagoen moduluzko eredu bat erabili zuen artistak 2002. urtean Zure ikuspegi espirala instalazioa sortzeko, eta obra bera ere ikusgai dago erakusketan.
Hainbat urtez, liburutegi modura erabili zuten objektu-bilduma hau Olafur Eliassonen estudioko kideek, kontsultak egiteko. Gaur egun, han eta hemen erakusten dutenean salbu, Stockholmeko Moderna Museet museoan egoten da Maketa-gela. Dena dela, estudioko diseinu- eta geometria-lantaldeek, oraindik ere, modeloak eta prototipoak garatzen dituzte beren ikerketarako.