Frank Lloyd Wright
Etxeko guneak
[Proiektuak] Hotel inperiala
Tokio, 1913–22 (1968an eraitsia)
Atalak
[Proiektuak] Solomon R. Guggenheim Museum
New York, 1943–59
- Izenburua:
- [Proiektuak] Solomon R. Guggenheim Museum
New York, 1943–59 - Erakusketa:
- Frank Lloyd Wright
- Gaiak:
- Gizakia | Artea eta espazioa | Sorkuntza artistikoa | Sormena | Espazioa | Forma
- Artelan motak:
- Arkitektura
- Aipatutako artistak:
- Lloyd Wright, Frank
1943an, Hilla Rebay-k, Pintura Ez-objektiboko Museoaren zuzendariak —Solomon R. Guggenheim zen haren jabe—, Wright-i idatzi zion Guggenheim bilduma barnean hartuko zuen eraikin bat diseinatu zezan eskatzeko. “Arimaren tenplu bat, monumentu bat” imajinatzen zuen hark. Museo batek izan behar zuenari buruzko ideia konbentzionalak onartzera bere burua behartuta ikusi beharrean, kaxa formako galeriak eraikitzeari uko egin zion Wrightek, eta museoko bisitariaren eta langileen estimulazioa eta espazioaren erabilera erraza lortu nahi izan zituen. Hori guztia buruan zuela, bere obrarik sinbolikoena diseinatu zuen. Hasiera batean, Wrightek pentsatu zuen horizontalki baino, bertikalki nabariagoa izan behar zuela museoak. Aurretiazko estudio batzuk egin zituen eta horietan honela itxuratu zuen eraikina: errotonda hegoaldean eta Rebayrentzako egoitza zuen hegala iparraldean; bi hegal horiek lotzen zituzten bulegoek eta lantokiek. Diseinuaren eta eraikuntzaren prozesua hamasei urtez luzatu zen eta ez Wrightek ez Guggenheimek, ordurako biak hilda, ezin izan zuten eraikina bukatua ikusi. Guggenheim 1949an hil zen eta Wright 1959an, urriaren 21ean museoa inauguratu baino sei hilabete lehenago.